अस्ट्रेलिया भ्रमणमा गएको नेपाली राष्ट्रिय क्रिकेट टोली स्वदेश फर्किएको छ ।

अस्ट्रेलिया भ्रमणका क्रममा टप–एन्ड टी–२० सिरिजको लिग चरणबाटै बाहिरिएको नेपालले अस्ट्रेलियन क्यापिटल टेरिटोरीविरुद्धका दुवै टी–२० अभ्यास खेल जितेको थियो भने साउथ अस्ट्रेलियासँग पराजित भएको थियो । 

साउथ अस्ट्रेलियाविरुद्धको एक मात्र एकदिवसीय अभ्यास खेलमा भने नेपाल विजयी भएको थियो । 

नेपालले युएईको सारजहाँमा दुई पटकको टी–२० आई विश्वकप विजेता वेस्ट इन्डिजसँग टी–२० क्रिकेट सिरिज खेल्ने छ ।

सो सिरिज नेपालका लागि टी–२० विश्वकपको एसिया तथा ईस्ट–एसिया प्यासिफिक संयुक्त छनोटको अन्तिम तयारीका लागि महत्वपूर्ण मानिएको छ ।