सुनसरी पूर्ण खोप सुनिश्चित जिल्ला घोषित
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/health/vaccinebottle-1708325923.jpg&w=700&height=600)
असार ३०, २०८१ | सुनसरी
सुनसरीलाई पूर्ण खोप सुनिश्चित जिल्ला घोषणा गरिएको छ ।
इनरुवामा आज एक कार्यक्रमकाबिच जिल्ला समन्वय सुनसरीका प्रमुख राजन मेहेता सहितका सरोकारवालाहरुले सुनसरीलाई पूर्णखोप सुनिश्चितता तथा दिगोपना घोषणा गरेका हुन् ।
जिल्लाका १२ वटै स्थानीय तहमा सबै मापदण्ड पुरा भएपछी सुनसरीलाई पूर्णखोप सुनिश्चित जिल्ला घोषणा गरिएको स्वास्थ्य कार्यलय सुनसरीका प्रमुख सागर प्रसाईले बताउनुभयो ।
दुई बर्षअघि पनि जिल्लालाई पूर्ण खोप सुनिश्चित जिल्ला घोषणा गरिएको थियो । तर सुनसरीको बर्जु गाउँपालिकामा दादुराको प्रकोप फैलिएपछि पुनः खोप अभियान चलाइएको थियो ।