कामीरिताद्वारा ३० औँ पटक सगरमाथाको सफल आरोहण
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/news/kamirita-1716378475.jpg&w=700&height=600)
जेष्ठ ९, २०८१ | काठमाडौं
कीर्तिमानी आरोही कामीरिता शेर्पाले ३० औँ पटक सर्वोच्च शिखर सगरमाथाको सफल आरोहण गर्नुभएको छ ।
विश्वको अग्लो शिखर सगरमाथामा सबैभन्दा धेरै पटक आरोहण गरेका शेर्पाले आफ्नो २९ औं कीर्तिमान तोड्दै सगरमाथा आरोहण गर्नुभएको हो ।
हिमाल आरोहणका प्रमुख सर्भेक्षण अधिकारी खिमलाल गौतमका अनुसार आज बिहान ७ बजेर ४९ मिनेटमा शेर्पाले सगरमाथामा सफल आरोहण गर्नुभएको हो ।
शेर्पाले नौ दिन अघि २९ औं पटक सगरमाथा चढ्नुभएको थियो । शेर्पाले २०५१ सालमा पहिलोपटक सगरमाथा आरोहण गर्नुभएको थियो ।