रौतहटमा हात्तीको आक्रमणबाट एक जनाको मृत्यु भएको छ । फतुवा–विजयपुर–११ की ७० बर्षीया पातली तामाङको घरमा सुतिरहेको समयमा जंगली हात्तिको आक्रमणबाट मृत्यु भएको हो ।

 घरमै रहेका तामाङकी श्रीमानले भागेर ज्यान जोगाएका थिए । हात्तीको आक्रमणबाट तामाङको घर पूर्ण रुपमा क्षतिग्रस्त भएको छ ।

 घटनाबारे इलाका प्रहरी कार्यालय बिजयपुर, डिभिजन वन कार्यालय चन्द्रनिगाहपुर र सशस्त्र बेस क्याम्प बिजयपुरको टोलीले अनुसन्धान सुरु गरेको जिल्ला प्रहरी कार्यालय रौतहटले जनाएको छ ।