सगरमाथा आरोहणका लागि यो सिजनको हालसम्म ४ सय ६८ जनाले अनुमति लिएका छन् ।

विभिन्न ५७ वटा देशका ४७ वटा टोलीले सगरमाथा आरोहणको अनुमति लिएको पर्यटन विभागका निर्देशक हिमाल गौतमले जानकारी दिनु भयो ।

जसमा ३ सय ८२ जना पुरुष तथा ८६ जना महिला रहेका छन् ।

सगरमाथा आरोहणबाट यो सिजनमा ६९ करोड १२ लाख ७१ हजार १ सय ८१ रुपैया रोयल्टी संकलन भएको छ ।

गत वर्षको वसन्त ऋतुमा सगरमाथा आरोहणका लागि ४ सय २१ जनाले अनुमति लिएका थिए । यो वर्ष सो संख्या बढेर ४ सय ६८ पुगेको हो ।

सगरमाथा मात्रै होइन अन्य हिमाल आरोहणको अनुमति लिनेको संख्या पनि बढेको छ ।

यो सिजनमा आरोहणका लागि अनुमति लिनेमा सबैभन्दा बढी भारतका १ सय ६७ जना रहेको विभागले जनाएको छ ।