यहि माघ १७ गतेबाट सुरु हुने नेपाल, नेदरल्याण्ड्स र थाइल्याण्डबीच हुने त्रिकोणात्मक महिला टी–ट्वान्टी क्रिकेट सिरिजका लागि नेपाली टोलीको घोषणा भएको छ । 

नेपाल क्रिकेट संघ क्यानले आज ईन्दु बर्माको कप्तानीमा नेपाली टोलीको घोषणा गरेको हो । नेपाली टोलीमा रुविना क्षेत्री, सीता राना मगर, पूजा महतो, विन्दु रावल, रेवती धामी, कवित कुँवर छन् । यस्तै सम्झना खड्का, ममता चौधरी, राजमति ऐरि, कविता जोशी, अलिशा यादव, रोमा थापा तथा मनिशा उपाध्याय र ईश्वरी विष्टले टोलीमा स्थान बनाएका छन् । 

सिरिजमा सहभागी टोलीले एक अर्काविरुद्ध तीन–तीनवटा खेल खेल्नेछन् । माघ २५ गतेसम्म सञ्चालन हुने सिरिजको १७ गते हुने उद्घाटन खेलमा नेपाल र नेदरल्याण्ड्सबीच प्रतिस्पर्धा हुने छ ।