आज १८ औं विश्व अटिजम जनचेतना दिवस विभिन्न कार्यक्रम गरि मनाईदैछ । हरेक वर्ष अप्रिल २ तारिखमा मनाइने दिवस नेपालमा पनि सचेतनामूलक कार्यक्रम गरि मनाउँदै आइएको छ । दिवसमा अटिजम स्पेक्ट्रम डिसअर्डरका बारेमा जागरूकता र समझदारी बढाउन र अटिजम भएकाहरुको समावेशीकरण र स्वीकृतिलाई बढावा दिन विश्वभर नै विभिन्न कार्यक्रमको आयोजना गरिन्छ । विश्व विश्व स्वास्थ्य संगठन डब्लुएचओका अनुसार विश्वमा सय बालबालिका मध्ये एक जनामा अटिजम हुने गरेको छ । 

विश्वभर नै अटिजमका बिरामीको संख्या बढ्दै गएको तथ्यांक छ । नेपालमा बढ्दो क्रममा रहेपनि अटिजमका बिरामी कति छन् भन्ने तथ्यांक सरकारसँग छैन । अटिजम भएका बालबालिकामा सञ्चारमा समस्या, सामाजिक अन्तरक्रियामा समस्या र दोहो¥याइरहने क्रियाकलाप बढी हुने चिकित्सकहरु बताउँछन् । परिवारमा कसैलाई अटिजम हुनु भनेको सिंगो परिवार अनि समाज नै उसकै वरिपरि हुनुपर्ने बाध्यता आइलाग्नु हो । अटिजम भएका बालबालिकाको स्याहारमा समस्या बढ्दै गएको छ । स्याहारमा पहुँच बढाउन नसक्दा अभिभावक र बालबालिका दुवै समस्यामा छन् ।