गत असोजको अन्तिम र कात्तिक पहिलो साता परेको बेमौसमी वर्षाले धान बालीमा ठूलो क्षति व्यहोरेका किसानका लागि ५ महिनापछि बल्ल सरकारले रकम निकासा गरेको छ । बेमौसमी वर्षा पीडित किसानका लागि अर्थ मन्त्रालयले राहत स्वरुप एक अर्ब रुपैयाँ निकासा गरेको हो । 

राहत वितरणका लागि गृह मन्त्रालयले ६ अर्ब रुपैयाँ माग गरेपनि अर्थ मन्त्रालयले एक अर्ब रुपैयाँ मात्र निकासा गरिदिएको हो । अर्थले निकासा गरेको रकम स्थानीय तहबाट प्रमाणीकरण भएर आएका बढी प्रभावित जिल्लाका पीडित किसानलाई उपलब्ध गराउने बताए पनि ढिला गरी दिएको राहतले किसानको पीडा कम हुने देखिदैन ।