राहुल गान्धी भारतीय लोकसभाको विपक्षी दलको नेतामा चयन
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/world/rahungandhi-1719408946.jpg&w=700&height=600)
असार १२, २०८१ | काठमाडौं
भारतीय राष्ट्रिय कांग्रेसका नेता राहुल गान्धी लोकसभामा विपक्षी नेता चुनिनुभएको छ । भारतीय लोकसभामा १० वर्षपछि कांग्रेसले विपक्षी दलको नेताको हैसियत पाएको हो ।
लोकसभामा प्रतिपक्षीका रुपमा पहिलो पटक सम्बोधन गर्दै गान्धीले सरकारसँग राजनीतिक शक्ति भएपनि आफू विपक्षी दल भएका हैसियतले भारतीय जनताको आवाजको प्रतिनिधित्व गर्ने बताउनुभयो ।
उहाँले विपक्षीलाई समेत संसदमा आफ्नो धारणा राख्न अवरोध नगर्ने विश्वास व्यक्त गर्नुभयो । यसअघिका २ चुनावमा कांग्रेसले संसद्को १० प्रतिशत सिट जित्न सकेको थिएन ।
सन् २०१४ मा ४४ र २०१९ मा ५२ सिट जितेको कांग्रेसले यसपल्ट भने ९९ सिट जित्न सफल भएको हो । सन् २००४ देखि लगातार ५ पल्ट सांसद चुनिएका राहुल गान्धीले यसअघि कांग्रेस प्रमुखबाट राजीनामा दिनुभएको थियो ।