पाकिस्तानबाट ३० हजार बढी अफगानी शरणार्थीलाई स्वदेश फिर्ता पठाइएको छ । पाकिस्तानको क्वेटा क्षेत्रमा अनधिकृत रुपमा बस्दै आएका सो संख्यामा शरणार्थीलाई एक महिनाको अवधिमा फिर्ता पठाइएको हो ।

 पाकिस्तानी सञ्चार माध्यम डनका अनुसार सरकारले दिएको जुलाई ३१ सम्मको अवधिमा फिर्ता नभइ बसेका शरणार्थीलाई अफगानीस्तान फिर्ता पठाइएको हो । अनधिकृत रुपमा बस्दै आएका अफगानी शरणार्थीलाई आफ्नो देशबाट फिर्ता पठाउन पाकिस्तानले आफ्ना सबै संयन्त्रको पहलमा काम गरिरहेको जनाएको छ । 

सरकारी अधिकारीहरुका अनुसार कागजातविहीन अफगानीलाई स्वदेश फिर्ताका लागि दबाब बढाउन उनीहरुको बैंक खाता र मोबाइल सिमबारे विवरण संकलन गर्न प्रशासनलाई निर्देशन दिइएको छ ।