मुलुकका विभिन्न स्थानमा चट्याङ लागेर ५ जनाको मृत्यु
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/news/death-1715436105.jpg&w=700&height=600)
असार १२, २०८१ | काठमाडौं
मुलुकका विभिन्न स्थानमा चट्याङ लागेर ५ जनाको मृत्यु भएको छ । चट्याङ लागेर कपिलवस्तु र कैलालीमा दुई÷दुई तथा लमजुङमा एक जनाको मृत्यु भएको हो ।
चट्याङ लागेर कपिलवस्तुको बुद्धभूमि नगरपालिका–१०, धनकौलीका १७ वर्षीय राजु ठाकुर र यशोधरा गाउँपालिका–६ का २२ वर्षीय महेश कलवारको मृत्यु भएको जिल्ला प्रहरी कार्यालयका प्रहरी निरीक्षक महेशविक्रम शाहीले बताउनुभयो ।
त्यस्तै, चट्याङ लागेर कैलालीको धनगढी उपमहानगरपालिका–१८ एफ गाउँका २७ वर्षीय शालिम चौधरी र जोशीपुर गाउँपालिका–३ भित्रिया गाउँका ३१ वर्षीय जयराम डगौराको मृत्युु भएको प्रहरीले जनाएको छ ।
चट्याङ लागेका अन्य ५ जनाको भने स्थानीय स्वास्थ्य केन्द्रमा उपचार भइरहेको छ । यस्तै, चट्याङ लागेर लमजुङको तल्लो चरागाउँका ६५ वर्षीय दानबहादुर भुजेलको मृत्यु भएको प्रहरीलाई उद्धृत गर्दै हाम्रा सहकर्मीले जनाएका छन् ।
चट्याङबाट घाइते भएका राइनास नगरपालिकाका ३८ वर्षीय रामचन्द्र अधिकारीको सुन्दर बजारस्थित अस्पतालमा उपचार भइहेको जिल्ला प्रहरी कार्यालयले जनाएको छ ।