यस वर्ष मलको अभाव हुँदैनः प्रधानमन्त्री दाहाल
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/news/puspakamal-1719663929.png&w=700&height=600)
असार १५, २०८१ | काठमाडौं
प्रधानमन्त्री पुष्पकमल दाहालले यस वर्ष मलको अभाव नहुने बताउनुभएको छ ।
चितवनको रत्ननगरपालिकास्थित बछौलीमा राष्ट्रिय धान दिवस तथा रोपाइँ महोत्सवको अवसरमा आयोजित कार्यक्रममा प्रधानमन्त्री दाहालले मलको आपूर्ति र वितरण प्रणालीलाई थप व्यवस्थित गर्ने बताउनुभएको हो ।
आफूले सरकारको नेतृत्व गरेदेखि नै मलको व्यवस्थापनलाई ध्यान दिएको उहाँको भनाइ थियो ।
उत्पादन बढाउन यान्त्रीकरण र व्यवसायीकरणमा जोड दिँदै सरकारले आगामी दशकलाई कृषि दशकको रुपमा अघि बढाउन लागेको प्रधानमन्त्री दाहालले उल्लेख गर्नुभयो ।