चाडपर्वको मुखमा डेंगुका बिरामीहरु बढ्दो
आश्विन १८, २०८१ | काठमाडौं
मुलुकमा डेंगुबाट संक्रमितको संख्या पछिल्लो ९ महिनामा करिव १५ हजार पुगेको छ ।
डेंगुकै कारण ७ जनाले ज्यान गुमाएको इपिडिमियोलोजी तथा रोग नियन्त्रण महाशाखाले जनाएको छ ।
गत जनवरी यता ७६ जिल्लामा १४ हजार ९ सय ७५ जनामा डेगुं संक्रमण पुष्टि भएको महाशाखाको भनाई छ ।
सबैभन्दा बढी गण्डकी प्रदेशमा ६ हजार ९ सय २० जना डेंगु संक्रमित भेटिएका छन् ।
कोशी प्रदेशमा १ हजार ३ सय २९, मधेशमा २ सय ८६, बागमतीमा ४ हजार ४ सय ८९ जनामा डेगीं संक्रमण देखिएको छ ।
यस्तै लुम्बिनीमा ९ सय ९५, कर्णालीमा २२० र सुदुरपश्चिम प्रदेशमा ७ सय ३६ जनामा डेंगी संक्रमण देखिएको महाशाखाले जनाएको छ ।
लामखुट्टेको टोकाईबाट सर्ने डेंगुबाट बच्नका लागि झुलको प्रयोग तथा पूरा बाहुला कपडा लगाउन चिकित्सकहरुले सुझाव दिएका छन् ।
