काठमाडौंमा पक्राउ परेका राष्ट्रिय स्वतन्त्र पार्टी रास्वपाका सभापति रवि लामिछानेलाई प्रहरीले भैरहवा पुर्‍याएको छ । प्रहरीले लामिछानेलाई विमान मार्फत भैरहवा पुर्‍याएको हो । प्रहरीले लामिछानेलाई विमानस्थलबाट सिधै जिल्ला प्रहरी कार्यालय रुपन्देही लगेको छ । 

भोलि सार्वजनिक बिदा भएकाले लामिछानेलाई रुपन्देही प्रहरी हिरासतमै राखेर अर्को दिन अदालतमा उपस्थित गराएर कारगार चलान गरिने तयारी भएको एसपी राठौरले बताउनु भयो । बुटवलको सुप्रिम सहकारी प्रकरणमा जिल्ला अदालत रुपन्देहीले लामिछानेलाई एक करोड धरौटी माग गरेको थियो । 

सोही धरौटी बुझाएर लामिछाने थुनामुक्त हुनु भएको थियो । तर जिल्लाको आदेश उल्ट्याउँदै उच्चले थुनामा पठाउने आदेश गरेको हो । सोही प्रकरणका अर्का आरोपित छविलाल जोशी पनि थुनामा छन् ।