पाथीभरामा आज यो सिजनकै धेरै तीर्थयात्री पुगेका छन् । नौ रथाको महाअष्टमीका दिन ७ हजार ५ सयभन्दा बढी तीर्थयात्री मन्दिर पुगेका हुन् । बिहान ३ बजेदेखि लाइन लगाएर पूजा गराउने क्रम चलिरहेको पाथीभरा क्षेत्र विकास समितिका कार्यकारी निर्देशक प्रजिन हाङवाङले जानकारी दिनुभयो । उहाँका अनुसार दिउँसो २ बजे मात्रै दर्शनार्थीको भिड कम हुने छ ।

मन्दिर जाने क्रम चलिरहेकाले आज दिनभरी नै भिड हुने समितिको अनुमान छ । भोलि नवमीका दिन अझ धेरै आउने अपेक्षा गरिएको कार्यकारी निर्देशक हाङवाङले बताउनुभयो । तीर्थयात्रीको सहजताका लागि समितिका सबै कर्मचारी पाथीभरा क्षेत्रमा परिचालन गरिएको र आवश्यक सहयोगको प्रबन्ध मिलाइएको छ । 

बन्द हड्ताल लगायतका कुनै पनि कार्यक्रम नभएकाले पाथीभरा जानेहरुको घुइँचो लागेको हो । पाथीभरामा चैत–वैशाख तथा असोज र कात्तिकमा अत्याधिक भीड लाग्ने गर्छ ।