प्रधानमन्त्री स्वदेश फर्किदै

चैत्र २३, २०८१
प्रधानमन्त्री केपी शर्मा ओली थाइल्याण्डबाट आज स्वदेश फर्किदै हुनुहुन्छ । बिमस्टेक सम्मेलनमा सहभागी भएर प्रधानमन्त्री ओली स्वदेश फर्कन लाग्नु भएको हो । ओली नेतृत्वको प्रतिनिधि मण्डल दिउँसो त्रिभुवन विमानस्थलमा अवतरण गर्ने परराष्ट्र मन्त्रालयले जनाएको छ ।
थाइल्याण्डकी प्रधानमन्त्री सिनावात्राको मैत्रीपूर्ण निमन्त्रणामा एक दिने औपचारिक भ्रमण र बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास ‘बिमस्टेक’को छैटौँ शिखर सम्मेलनमा भाग लिन ओली चार दिनअघि बैंकक प्रस्थान गर्नु भएको थियो । सम्मेलनका क्रममा प्रधानमन्त्री ओलीले भारतीय समकक्षी नरेन्द्र मोदीसँग भेट गर्नु भएको थियो ।
त्यस्तै, बिमस्टेक राष्ट्रका समकक्षीहरुसँग पनि ओलीले छलफल गर्नु भएको छ । प्रधानमन्त्री ओलीको भ्रमण टोली २१ सदस्यीय छ ।