सुदूरपश्चिम रोयल्सले नेपाल प्रिमियर लि क्रिकेटमा विजयी सुरुवात गरेको छ । आज भएको खेलमा विराटनगर किंग्सलाई ९० रनले पराजित गर्दै सुदूरपश्चिमले सुखद सुरुवात गरेको हो ।

१ सय ८३ रनको बलियो लक्ष्य पछ्याएको विराटनगरले १६ ओभर १ बलमा अल आउट हुदै ९२ रन मात्र जोड्न सक्यो । 

उसका लागि बसिर अहमदले सर्वाधिक २४ रन जोड्नु बाहेक अन्य ब्याटरले दोहोरो स्कोरमा रन जोड्न सकेनन् । 

सुदूरपश्चिमका लागि स्कट कुगेलेन र अविनास बोहोराले समान ३ तथा सेफ जेब, इशान पान्डे र ब्रेन्डन मक्मलेनले समान १ विकेट लिए ।

 त्यसअघि कीर्तिपुरस्थित त्रिवि क्रिकेट मैदानमा विराटनगरले टस जितेर फिल्डिङ रोजेपछि पहिले ब्याटिङको निम्तो पाएको सुदूरपश्चिमले निर्धारित ओभरमा ७ विकेट गुमाएर १ सय ८२ रन बनाएको थियो ।

 सुदूरपश्चिमका लागि दीपेन्द्रसिंह ऐरीले नट आउट रहँदै सर्वाधिक ५७ रन जोडे । 

विराटनगरका अनिल खरेलले ३ तथा इस्मत आलम, बसिर अहमद र क्रिस सोलले समान १ विकेट लिए । 

विराटनगरको यो लगातार दोस्रो हार हो । विराटनगर आफ्नो पहिलो खेलमा जनकपुर बोल्ट्ससँग ८ विकेटले पराजित भएको थियो ।