दोस्रो संस्करणको नेपाल प्रिमियर लिग एनपीएल क्रिकेटको उपाधिका लागि सुदूरपश्चिम रोयल्स र लुम्बिनी लायन्सबीच प्रतिस्पर्धा हुने भएको छ ।

दोस्रो क्वालीफायरमा आज विराटनगर किङ्ग्सलाई ४० रनले पराजित गर्दै लुम्बिनीले फाइनलमा स्थान बनाएको हो । लुम्बिनीले दिएको १ सय ३५ रनको लक्ष्य पछ्याएको विराटनगर १७ दशमलव ५ ओभरमा अलआउट हुँदै ९४ रनमा समेटिएसँगै लुम्बिनी उपाधि नजिक पुगेको हो ।

शीर्ष क्रमका ३ ब्याटर दोहोरो अंक समेत नबनाइ आउट भएपछि विराटनर सुरुदेखिनै दबाबामा परेको थियो । उसका लागि सम हेजलेटले सर्वाधिक ३४, नरेन भट्टले २१ र मर्चेन्ट डे ल्याङले १७ रन बनाउनुबाहेक अन्यले विर्सनलायक प्रर्दशन गरेका थिए ।

कीर्तिपुरस्थित त्रिवि क्रिकेट मैदानमा भएको खेलमा विराटनगरले टस जितेर फिल्डिङ रोजेपछि पहिले ब्याटिङ गरेको लुम्बिनीले निर्धारित ओभरमा ८ विकेट गुमाउँदै १ सय ३४ रन बनाएको थियो । लुम्बिनीका लागि ओपनर डार्शी सर्टले सर्वाधिक ४५ रन बनाए । कप्तान रोहितकुमार पौडेलले ३४ रन जोडे ।

सर्ट र रोहित पौडेलले दोस्रो विकेटका लागि ६९ रनको साझेदारी गरेका थिए । यस्तै, निरोशन डिकवेलाले २९ रन बनाए । विराटनगरका सुभाष भण्डारी र प्रतिश जिसीले समान ३÷३ विकेट लिए ।

कप्तान सन्दीप लामिछानेले २ विकेट हात पारे । पहिलो क्वालीफायरमा विराटनरलाई पराजित गर्दै सुदूरपश्चिम रोयल्सले फाइनलमा स्थान बनाइसको को छ । फाइनल खेल आगामी शनिबार हुनेछ ।