७२ वटा जिल्लामा डेंगी फैलियो
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/health/dengue-1717822163.jpg&w=700&height=600)
असार ५, २०८१ | काठमाडौं
गत जनवरीदेखि हालसम्म मुलूभर एक हजार २ सय ४१ जनामा डेंगी संक्रमण पुष्टि भएको छ ।
स्वास्थ्य सेवा विभाग अन्तर्गतको इपिडिमियोलोजी तथा रोग नियन्त्रण महाशाखाका अनुसार ७२ वटा जिल्लामा सो संख्यामा डेंगी पुष्टि भएको हो । सबै भन्दा बढी कोशी प्रदेशमा देखिएको महाशाखाको तथ्यांकमा उल्लेख छ । त्यसपछि बागमती प्रदेशमा बढी संक्रमित पाइएको छ ।
काठमाण्डौंमा एक सय ४१ जनामा डेंगी संक्रमण पुष्टि भएको छ । त्यपछि झापामा एक सय १२ जनामा डेंगी संक्रमण पुष्टि भएको तथ्यांकमा उल्लेख छ । डेंगी भाइरसबाट संक्रमित एडिज जातका लामखुट्टेको टोकाईबाट सर्ने भएकाले यसको टोकाईबाट जागिन विज्ञहरुले सुझाएका छन् ।