थाइल्याण्डको नयाँ प्रधानमन्त्रीमा ३७ वर्षीया पेतोङत्रान नियुक्त
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/world/thaipm-1723819269.png&w=700&height=600)
श्रावण ३२, २०८१ | काठमाडौं
थाइल्याण्डको संसदले आज पूर्व प्रधानमन्त्री थाक्सिन् शिनावात्राकी कान्छी छोरी पेतोङत्रान शिनावात्रालाई नयाँ प्रधानमन्त्रीको रुपमा चयन गरेको छ ।
शिनावात्रा परिवारबाट पेतोङत्रान तेस्रो व्यक्ति प्रधानमन्त्री बन्नुभएको हो । उहाँको बुबा थक्सिन र फुपू यिंगलक शिनावात्रालाई गत वर्ष कू गरेर सत्ताबाट हटाइएको थियो ।
३७ वर्षीया पेतोङत्रान थाइल्याण्डको सबैभन्दा कम उमेर र दोस्रो महिला प्रधानमन्त्री पनि बन्न सफल हुनुभएको छ । उहाँ संसद्मा प्रधानमन्त्रीको लागि एकमात्र उम्मेदवार हुनुहुन्थ्यो र संसदमा बहुमत प्राप्त गर्नुभएको हो ।