दाङको लमहीमा सोमबार मोटरसाइकल दुर्घटना हुँदा एक जनाको मृत्यु भएको छ । मोटरसाइकलमा पछाडि सवार सल्यानको बागचौर नगरपालिका–३ घर भई हाल तुलसीपुर–९ बेलुवा बस्ने ३० वर्षीय लिलाराम डाँगीको मृत्यु भएको जिल्ला प्रहरी कार्यालयका प्रहरी नायब उपरीक्षक इश्वर थापाले बताउनुभयो । 

लमहीबाट तुलसीपुरतर्फ जाँदै गरेको रा ७ प ४९५४ नम्बरको मोटरसाइकल लमहीको रातो डाँडा नजिकै दुर्घटना त्यसमा सवार डाँगी घाइते भएका थिए । घाइते डाँगीको लमही अस्पतालमा उपचारका क्रममा मृत्यु भएको प्रहरीले जानकारी दिएको छ । 

मोटरसाइकल चालक तुलसीपुर उपमहानगरपालिका–५ न्युरोडका २६ वर्षीय रोशन विक घाइते भएका छन् । विकलाई वडा प्रहरी कार्यालय लमहीले नियन्त्रणमा लिएको छ ।