इरानमा नयाँ राष्ट्रपति चयनका लागि आगामी महिना निर्वाचन हुने
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/third-party/electionsvoteboxtemplatewithvotingpapervector24744180-1716290891.jpg&w=700&height=600)
जेष्ठ ८, २०८१ | काठमाडौं
इरानमा नयाँ राष्ट्रपति चयनका लागि आगामी जुन २८ मा निर्वाचन हुने भएको छ ।
इरानका राष्ट्रपति इब्राहिम रइसीको हेलिकप्टर दुर्घटनामा परि निधन भएपछि नयाँ राष्ट्रपति चयनका लागि निर्वाचन हुने भएको बीबीसीले जनाएको हो ।
इरानको पूर्वी अजरबैजान प्रान्तमा भएको हेलिकोप्टर दुर्घटनामा राष्ट्रपति रइसी र विदेशमन्त्री हुसेन अमिरको हिजो निधन भएको थियो ।
६३ वर्षीय रइसीको निधनपछि विश्व समुदायले समबेदना व्यक्त गरेका छन् ।
राष्ट्रपति रइसीको निधनपछि उपराष्ट्रपति मोहम्मद मोख्बेरले अन्तरिम कार्यभार सम्हाल्नु भएको छ ।
उपविदेशमन्त्री अली बगेरी कानीलाई कार्यवाहक विदेश मन्त्रीमा नियुक्त गरिएको छ ।
यसैबीच राष्ट्रतिको निधनपछि इरानका सर्वोच्च नेता आयतोल्लाह अली खामेनीले पाँच दिने शोकको घोषणा गर्नु भएको छ ।