भारतको केरलामा निपाह भाइरसबाट एक बालकको मृत्यु , ६० जनामा संक्रमण पुष्टि
![](http://radio-assets-api.ekantipur.com/thumb.php?src=http://radio-assets-cdn.ekantipur.com/uploads/source/news/2024/health/nipah-1721657456.png&w=700&height=600)
श्रावण ७, २०८१ | काठमाडौं
भारतको केरला राज्यमा निपाह भाइरसका कारण १४ वर्षीय बालकको मृत्यु भएपछि उच्च स्वास्थ्य सतर्कता अपनाइएको छ ।
अन्य ६० जनामा समेत सो रोगको संक्रमण पुष्टि भएको भन्दै स्वास्थ्य सतर्कता उच्च बनाइएको स्वास्थ्यमन्त्रीलाई उद्यृत गर्दै बीबीसीले जनाएको छ ।
केरलाको स्वास्थ्यमन्त्री वीणा जर्जले शहरका ती बालकमा रोग पाइएको र उनीसँग सम्पर्कमा आएकाहरूलाई अलग्गै राखेर परीक्षण गरिएको बताउनुभएको छ ।
सो क्षेत्रका मानिसहरूलाई सार्वजनिक क्षेत्रमा मास्क लगाउन र अस्पतालमा मानिसहरूलाई भेट्न नजान नभनिएको छ । विश्व स्वास्थ्य सङ्गठन डब्लुएचओका अनुसार निपाह भाइरस संक्रमण सुँगुर र चमेरा लगायतबाट मानिसमा सर्ने जुनोटिक रोगहो । ज्वरो, टाउको दुख्ने ,मांसपेशी दुख्ने, घाँटी दुख्नु यो रोगका मुख्य लक्षण हुन् ।
निपाह देखिएसँगै केरला राज्य सरकारले प्रकोप रोक्न कार्ययोजना बनाइरहेको बताएको छ । यसअघि सन् २००१ र २००७ मा पश्चिम बंगालको पूर्वी राज्यमा सो संक्रमण देखिएको थियो ।